A sede provincial do PSdeG-PSOE de Ourense volve ser atacada

Ás 13:41 horas deste sábado 8 de febreiro, a Polícia Local de Ourense avisou ao Secretario Provincial do PSdeG-PSOE de Ourense de destrozos na fachada principal da sede provincial de dito partido.

En concreto, o cristal da porta de entrada ao local fora esnaquizado cun anaco de formigón preto da pechadura, como se tratasen de acceder ao tirador interno para abrir a porta.

A persoa ou persoas que así actuaron non penetraron na sede, que recibe un novo ataque en poucos meses. En concreto, sufriu desperfectos na fachada o 23 de xullo de 2024, e tamén resultou danada o pasado 2 de setembro, cando ademais roubaron unha pantalla plana de televisión e teclados de ordenador.

Como comunican dende o propio partido, aseguran que a persoa ou persoas que actúan desde xeito "descoñece que está atacando unha Casa do Pobo, que carece de elementos de grande valor material, e serve para recoller ideas e queixas, promover iniciativas, difundir o coñecemento, defender dereitos e apoiar a quen máis o precisa, entre outras finalidades destinadas a axudar á veciñanza".

Tamén piden que se teñan en conta as funcións sociais e políticas que teñen lugar na sede, "un lugar que procura o ben común, prestando atención sen distinción de ningunha clase, mesmo carecendo de militancia socialista, nos horarios de atención dispostos de luns a venres", continuaban dende o grupo socialista municipal.

"Quen precise apoio, ten nosas portas abertas. Quen actúe co propósito de danar ou coaccionar, logrará o primeiro destes fins, pero daranos máis forzas para seguir loitando", aseguran no seu comunicado.