A Arracada e Airiños enchen o CEIP Carlos Cid Arregui de Rairiz

OBRA DE CASTELAO

Máis dun centenar de persoas gozaron da adaptación contemporánea da obra de Castelao, “As vellas non deben de namorarse”

A Asociación de Mulleres Rurais “A Arracada” de Vilar de Santos celebrou unha xornada especial co gallo do 25N, na que a través do teatro creouse un espazo de reflexión e educación en igualdade.

O CEIP Carlos Arregui de Rairiz de Veiga acolleu a máis dun centenar de persoas que gozaron da adaptación contemporánea da obra de Castelao, “As vellas non deben de namorarse”, asinada por Amantia Coello, natural da Pereira e directora de Airiños, os intérpretes da obra, que cambia “aos vellos por vellas e da espazo a novas formas de amar”.

A Arracada aposta por “achegar cultura en galego ao rural, promover a igualdade e dar visibilidade ás mulleres creadoras”. A súa presidenta, Raquel Coello, engadiu que “a resposta do público demostra que no rural hai fame de cultura e de espazos nos que as mulleres teñamos voz propia”.