Música e teatro tomarán de novo as rúas do Riós

CICLO CULTURAL

O Riós retoma as actividades culturais con actuacións teatrais e música ao vivo nos seus núcleos

Edición anterior doo ciclo de "Música e teatro na rúa" na Veiga do Seixo. | Cedida

Tralo éxito da edición do ano pasado, o Concello do Riós arranca novamente na tarde deste venres en Cortegada, dende as 19,30 horas, o seu ciclo de “Música e teatro na rúa”, unha iniciativa que combina a música da Banda de Gaitas do Riós con representacións do grupo teatral Namarella Teatro.

Este ciclo, que conta co apoio da Xunta a través da Consellería de Política Social e Igualdade, combina cultura e tradición con obras teatrais ao vivo e na rúa nun total de seis parroquias orriolenses, totalmente de balde.

Seguintes datas

O ciclo de teatro continuará o vindeiro día 23, martes, na Veiga do Seixo, dende as 19,00 horas. A outra cita este mes será o 27, sábado, cunha dobre sesión: ás 17,30 no Riós e ás 19,30 horas en Progo, respectivamente. Finalmente, o 7 e o 21 de outubro será o turno da Trepa e da Eirexa, ambos días ás 19,00 horas.