A aldea de Vilanfesta xuntou o seu presente e futuro
III XUNTANZA DOS VECIÑOS
105 persoas con lazos familiares con Vilanfesta, unha pequena aldea de Oseira (Cea), reuníronse multiplicando por 10 a súa poboación, e celebrando a vida de varias xeracións
E por terceiro ano consecutivo, un cento de persoas deuse cita un domingo de verán en Vilanfesta, Oseira (Cea), coa única finalidade de xantar todos xuntos e desfrutar da compañía mutua.
Xente de distintas idades e xeracións, procedencias e familias, pero unidos todos polo seu vínculo con este pequeno recuncho do rural no que viñeron ao mundo eles mesmos ou os seus antergos.
A III Xuntanza dos Veciños, unha tradición moderna dado que Vilanfesta ata o de agora só tivera “festa” no seu bonito topónimo, volveu ser a escusa perfecta para o reencontro e a celebración das orixes.
O evento, nado de conversas nos enterros -algo unicamente posible en Galicia-, serviu de novo para acompañar aos veciños que aínda residen na aldea. Catro matrimonios maiores, algún con dificultades para se desprazar, polo que agradecen que os visiten.
Así, e durante unhas horas, Vilanfesta multiplicou por dez a súa poboación. Acudiron membros das once familias orixinarias, coñecidas polos seus alcumes: Plantas de arriba e Plantas de abaixo, Pesetas, Guichos, Xondes, Carballos, Ferreiros, Mouráns, Cortes, Picardías e Carrales. Ningunha delas quedou sen representación.
O menú do día maridou outra vez as lembranzas e anécdotas co tan necesario saber que é de cada un. Mila, Carmen e Maricarmen, as organizadoras, recuperaron un mural de imaxes, mentres que a cativada elaborou un photocall no que sacar máis fotos e crear novos recordos, nunha simbiose do presente e do futuro. Case un século separou este domingo á máis maior, Marina, de 92 anos, do máis novo, Gael, de dous meses.
Gran paparota e música
O resto da xornada transcurriu como de costume. Non faltou o pulpo do Fuchela e ademais houbo música, cuns gaiteiros que foron a gran novidade. Sentados á mesa, os 105 conformaron todos xuntos unha única unidade familiar, a da gran familia de Vilanfesta.
Contenido patrocinado
También te puede interesar
EXPERIENCIA ACTIVA
Un Samaín cheo de lembranzas en Cea
BUENAS CIFRAS
Auge otoñal de peregrinos en San Cristovo de Cea
FIESTA DE INTERÉS TURÍSTICO
La Festa do Esquecemento calienta de cara al 2027
Lo último
Itxu Díaz
BITÁCORA DE CAMPAÑA - DÍA 6
El incansable murmullo de la falacia
CONCIERTO EN OURENSE
Chris, hermano de Mick Jagger: "La música siempre te mantiene joven"
HOY A LAS 20:00 HORAS
La Copa España, con retraso y a disgusto