Sandiás aproba axudas a actividades dos seus escolares

EDUCACIÓN

Diferentes iniciativas en Sandiás para fomentar diferentes iniciativas en educación

Preto de 5.000 euros son os que o Concello de Sandiás vén de destinar en diferentes iniciativas, sendo a primeira subvención directa a destinada á Asociación de Pais e Nais de alumnos San Nicolás (ANPA) para poder dispor dun servizo de atención temperá no CEIP de Sandiás, para a que se achegaron 3.200 euros.

A segunda partida estivo destinada ás familias, para facer fronte á compra de libros de texto e material escolar, cun orzamento de 1.250 euros, “situado no contexto de favorecer medidas no ámbito socio-económico en relación coas familias”. A excursión de fin de curso dos cativos do centro educativo tamén recibiu unha achega de 350 euros.