Segunda andaina para o avistamento das aves

PROXECTO "IN-VISIBLE"

Ao longo da andaina polas Areeiras de Sandiás faranse actividades como a recollida de lixo e avistamento de aves

Os participantes da anterior andaina co lixo recollido.

A Asociación Amigas das Cegoñas organiza o vindeiro sábado 10 de maio a segunda saída polas Areeiras de Sandiás. Esta actividade consta dunha andaina interpretativa por unha parte bastante afectada polos residuos e a idea é recoller este lixo para posteriormente facer unha clasificación.

Ademais de recoller lixo tamén se farán actividades de avistamento de aves e de recoñecemento da zona, como na anterior andaina, na que se fixo recollida de plumas de cegoña branca para analizalas e ver que carga teñen de pesticidas, grisofatos e mercurio.

Esta actividade está dentro do proxecto “In-visible”, unha iniciativa que se enmarca no programa Libera de SeoBirdLife e Ecoembes e no cal as Amigas das Cegoñas elixiron as areeiras como zona de traballo.

Contenido patrocinado