Quince persoas atoparon traballo polo CDR O Viso

Inserción Laboral

O Centro de Desenvolvemento Rural O Viso vén de publicar o balance do traballo que levan feito neste 2025, dentro do programa de Itinerarios Integrais contra o Despoboamento Rural e a Inclusión Social

Unha das técnicas durante as tarefas de apoio.

A través deste programa, o CDR traballa cara a inserción laboral e o emprendemento, a orientación e formación, a inserción social, o acompañamento e o benestar persoal, as garantías infantís e xuvenís e o apoio educativo para nenos e mozos.

Dentro destas tarefas, o CDR leva atendidas neste 2025 a 39 persoas en 14 núcleos da comarca, axudou a formarse a 15 persoas en Limpezas Xerais e Xestión de Almacén, outras 15 persoas lograron atopar emprego e 18 persoas de 5 nacionalidades reciben apoio para integrarse. Tamén, 39 persoas teñen xa os seus itinerarios personalizados.