A Tecedoira busca axudar a xente maior que vive en soidade

A Tecedoira é un servizo do Centro de Desenvolvemento Rural O Viso para chegar ás persoas que máis precisan axuda nas aldeas da Limia.

Esta furgoneta percorre a comarca levando actividades, compañía e apoio. Dende que comezou o proxecto, puxeron a andar distintas iniciativas ó longo da Limia. En Escornabois e Nocelo de Pena reúnense cada martes con máis de 15 persoas para facer obradoiros de memoria e estar en compañía.

En Nocelo, organizaron unha andaina cos veciños que recorreu a historia viva da parroquia cos seus recordos. En colaboración ca asociación de mulleres As Trabes empezaron a realizar actividades en Cualedro. Tamén prestan atención individual, axudando con trámites ou acompañando a citas médicas. Dende A Tecedoira procuran chegar ás persoas que o necesiten e que moitas veces non piden axuda.