Un bañista arrastrado na área fluvial de Caneiro polas variacións de caudal

Por mor dos traballos de mantemento que Iberdrola realiza na presa de Santa Eulalia, estanse a producir variacións de nivel no río Bibei, así como correntes que inflúe na área fluvial do Caneiro. Esta mañá arredor das 13:00 horas o 112 alertaba dun bañista arrastrado no río.

Ata o lugar desplazouse Protección Civil de Manzaneda e de Trives, Policía Local de Trives e Garda Civil de Montaña de Trives.

Un home quedou agarrado nunha árbore tras ser arrastrado pola corrente. Era unha familia con dous nenos pequeno e o home, de arredor de 45 de anos, meteuse a nadar e a forte corrente levouno. Polo visto abriron a presa de Santa Eulalia e según din, eles non escoitaron sinal acústica ningunha, non había sinalización ningunha e nada se puido facer.

O home, de procedencia alemana e veraneante nunha aldea de Manzaneda, puido ser rescatado atándose a unha corda que lle lanzaron membros de Protección Civil de Manzaneda. Saiu con síntomas de hipotermia, pero todo saiu ben para o que parecía ser unha mañá tráxica.