Manzaneda busca novas ideas de emprendedores

MESA REDONDA

O próximo xoves, 28 de novembro, o Concello de Manzaneda acollerá unha mesa redonda sobre emprendemento en zonas rurais, organizada en colaboración coa Rede de Polos de Emprendemento e Apoio ao Emprego da Xunta de Galicia.

Centro de día onde se levará a cabo a xornada de emprendemento.

Esta actividade, que comezará ás 18:30 horas no local do Centro de Día no Toural de Manzaneda, busca ser un punto de encontro para emprendedores e emprendedoras da contorna baixo o lema: “Escoitando os vosos proxectos, xerando ideas, buscando apoios e axudas”.

A xornada está aberta a calquera persoa interesada en desenvolver proxectos no ámbito rural. Para facilitar a participación, poderán facelo en videoconferencia quenes non poidan asistir presencialmente. A incrición é ata o día 27, enviando un correo a manzaneda.rural@gmail.com ou no teléfono 988333043 do Concello en horario de mañá. No momento da inscrición, é posible achegar unha breve descrición da idea ou actividade emprendedora que se queira presentar.

O evento contará cun programa elaborado en coordinación co Polo de Emprendemento da zona do Barco, que dará soporte ás iniciativas dos concellos da comarca. Con este encontro, Manzaneda busca ser un punto de referencia para fomentar o emprendemento rural e apoiar novas ideas que impulsen o desenvolvemento económico e social da zona

Contenido patrocinado