Un barquense aspira a cantar en Eurovisión

O barquense Rubén López Fernández tentará estar cos cinco finalistas do concurso que organizóu TVE para seleccionar ao representante español no festival de Eurovisión. O seu nome artístico, Rubén Ferro, elexido en lembranza da súa aboa, soará moito nas vindeiras datas, na fase previa á final do certamen.

¿Cando empezou na música?

A levo dentro dende neno. A nivel máis serio, fixen dous cursos de solfeo no Conservatorio de O Barco, estiven na Banda de Gaitas e na Coral Polifónica de Ourense. Tamén competín no Festival de Cantautores de Ourense e gañei o Festival do Landro do 2003, en Viveiro (Lugo). Tiven dous papeis de extra en películas: “Pradolongo” e “Camiño de Santiago”.

¿Está adicado íntegramente á canción?

Non. Son licenciado en Psicopedagoxía e traballo no apoio a emigrantes no Instituto Lauro Olmo e no Colexio Otero Pedraio, de Viloira.

¿Cal é o estilo musical que máis lle gusta?

Fundamentalmente, o pop-rock, anque estou aberto á mestura de estilos.

¿Que lle levou a tentar participar en Eurovisión?

Entereime do concurso por unha amiga, que me dixo que buscase en internet. Participo coa canción “De lo más importante”, que fusiona pop-rock e música latina. O tema fala da amistade e como se complica co amor.

A votación é por internet. ¿Como se vota?

Para votar hai que entrar no link www.myspace.com/eurovision2008. Aparecen tódolos candidatos por provincias e o vídeo da canción. Tamén teño o meu espacio persoal en www.myspace.com/rubenferro. O prazo da votación escomeza o xoves 14 de febreiro e se poderán enviar CINCO VOTOS AO DÍA toda esta semana.

¿Cantos intérpretes compiten na fase previa?

Nesta fase, que organiza TVE, compiten uns 500 cantantes e 18 de eles son galegos. Eu non teño o respaldo de ningunha casa discográfica, polo que preciso o apoio da miña xente; non só por ser de aquí, senón porque o tema guste.

¿Cantos estarán na final do concurso de TVE?

Nesa final estarán os cinco máis votados en internet e outros cinco que elexirá un panel de expertos. Da gala sairá elexido o representante de España no certamen de Eurovisión. É a primeira vez que se fai así.