Brinde e cata en Verín polo día das Denominacións de Orixe do viño

DO MONTERREI

Como cada ano, os viños con Denominación de Orixe celebran o seu día con distintos eventos, e a DO Monterrei non é unha excepción

Denominación de Orixe Monterrei. | DO Monterrei

A Denominación de Orixe (DO) Monterrei celebra este sábado, 10 de maio, o “Día Vino DO 2025”, a festa anual dos viños con denominación, e que terá lugar de forma simultánea en tódolos lugares do Estado con produtos así recoñecidos.

O auditorio de Verín acollerá a cita, con dúas actividades programadas. Por unha banda haberá unha cata de balde, denominada “DO Monterrei, a maridaxe perfecta”, a cargo do vigués Juanjo Figueroa, o presidente da Asociación Galega de Sumilleres (AGASU), ás 12,00 horas.

Ao remate da cata, ás 13,30 horas, producirase no mesmo escenario o xa tradicional brinde colectivo, acompañado por viños da DO.