Cervexas do país e internacionais, un reclamo para desfrutar en Verín

O Parque da Preguiza de Verín converterase unha vez máis nun auténtico biergarten alemán grazas á celebración da V edición da Feira da Cervexa, un evento xa clásico na programación de outono na comarca, e que se desenvolverá os vindeiros días 10 e 11 de outubro.

Esta cita contará novamente cun amplo programa de actividades lúdicas e gastronómicas, ofrecendo un espazo de encontro no que cervexeiros nacionais e internacionais, establecementos de restauración e foodtrucks achegarán aos verinenses e visitantes unha variada proposta de sabores e estilos.

O horario de funcionamento será de 18,00 a 02,00 horas. Durante esas dúas xornadas, o recinto do Parque da Preguiza converterase nun punto de ocio, convivencia e dinamización económica.

Inscricións

As persoas e entidades interesadas en participar poderán presentar as súas solicitudes ata o 29 de setembro de 2025, a través da sede electrónica do Concello. O prazo poderá ampliarse sempre que haxa espazos dispoñibles. O custo da participación varía segundo o sector.

Para máis información, pódese contactar coa Oficina de Desenvolvemento Local (ADL) en adl@verin.gal ou nos teléfonos 988 410 000 e 691 575 225.