O patrimonio relixioso da Tamagania, recompilado en dous novos libros

O divulgador e investigador verinense Bruno Rúa presentará no salón de actos da Casa da Cultura as súas dúas novas obras, “Igrexas e mosteiros” e “Capelas, ermidas e santuarios”, que afondan no patrimonio relixioso e cultural da comarca da Tamagania. O acto, organizado pola biblioteca de Verín, terá lugar o vindeiro xoves, 16 de abril, a partir das 19,30 horas, e está aberto a toda a veciñanza ata completar aforo.

As publicacións de Rúa nacen coa vontade de ofrecer unha visión completa e rigorosa dos distintos tipos de templos presentes na comarca, estruturando o traballo en dous volumes diferenciados que responden a enfoques e realidades distintas.

O autor tamén recompila neste volume historias, lendas e descricións que permiten comprender a evolución e significado destes enclaves ao longo do tempo. A través destas dúas obras, Bruno Rúa ofrece unha completa panorámica do patrimonio relixioso da Tamagania, contribuíndo á súa divulgación e posta en valor.