Verín aproba no pleno o pago de facturas pendentes doutros anos

SESIÓN EXTRAORDINARIA

O Concello de Verín vén de celebrar un pleno extraordinario no que se aprobou o recoñecemento extraxudicial de créditos correspondente a facturas pendentes de recoñecer a obriga

Sesión plenaria extraordinaria urxente celebrada no Concello de Verín. | C.L.M.

O Concello de Verín celebrou o venres un plenario extraordinario e urxente cun único punto, un expediente de recoñecemento extraxudicial de créditos por un importe de 3.222.364,81 euros, correspondente a facturas pendentes dos exercicios 2022, 2023 e 2024.

Este punto da orde do día saiu adiante cos votos favorables do grupo de goberno do PSdeG-PSOE e BNG, e co voto en contra da oposición do PP.

O alcalde, Gerardo Seoane, explicou que “agora que temos persoal, non queremos perder un segundo coas contas e cos pagos, con cuestións técnicas como esta”.

Pola súa banda, Lara da Silva, voceira popular, afirmou que “menos mal que o Concello non ten problemas económicos, porque son os únicos plans que traen a pleno”.

Contenido patrocinado