Verín busca 35 entroideiros para representar á vila en Santiago

DESFILE DE ENTROIDOS

Cigarróns e outros grupos do Entroido de Verín teñen unha oportunidade para desfilar en Santiago de Compostela o 6 de setembro

Cigarrón no Entroido de Verín este ano. | José Paz

O Concello de Verín informa da apertura dun prazo de inscrición, ata o 31 de xullo, para participar no tradicional Desfile de Entroidos de Interese Turístico en Santiago de Compostela, o vindeiro 6 de setembro.

Os entroideiros interesados deberán formalizar a súa inscrición presencialmente na Oficina de Turismo da vila, en horario de luns a venres, de 9,30 a 14,00 e de 17,00 a 19,00 horas.

Cada grupo de Entroido de cada concello poderá inscribir un máximo de 35 participantes, e a participación estará suxeita á orde de inscrición ata completar as prazas dispoñibles. A Oficina de Turismo informará do lugar e hora de recollida de todos os participantes.

O día do desfile, tódolos os grupos deberán estar preparados na Praza do Obradoiro a media mañá, dende onde iniciarán o percorrido pasando por rúas emblemáticas como a rúa do Vilar, a Praza do Toural ou a rúa Nova, ata ao Obradoiro.

Cada grupo deberá contar cun portaestandarte que levará o cartel co nome do Entroido e do concello que representa, e tamén designar a dúas persoas encargadas de repartir os trípticos facilitados por Turismo de Galicia.

O Concello de Verín anima a tódolos entroideiros a participar nesta actividade de grande proxección cultural e turística o Entroido verinense.