Andaina solidaria en Verín a beneficio de Cruz Vermella

10 QUILÓMETROS

O Concello de Verín organiza unha ruta solidaria a favor da ONG Cruz Vermella

O punto de partida da andaina solidaria volverá a ser a Praza da Mercé. | CEDIDA

Un ano más, o Concello verinense organiza unha andaina solidaria a beneficio da ONG Cruz Vermella. O roteiro terá lugar este vindeiro domingo, 13 de xullo, a partir das 9,00 horas, dende a Praza da Mercé.

O roteiro presenta un percorrido cunha lonxitude total de 10 quilómetros que non presenta dificultades, polo que é apta para tódalas idades e condicións físicas.

Durante a mesma haberá avituallamento para tódolos participantes, e todos eles entrarán nun sorteo de distintos agasallos só por tomar parte na andaina.

Na organización da andaina, un clásico xa na vila do Támega, colaboran MultiSport Verín, Hortoverín e Aguas de Sousas.

Inscricións

Tódolos interesados en participar aínda están a tempo de se inscribir en MultiSport Verín ou no teléfono 600 410 018. O prezo, 8 euros, inclúe asimesmo un boleto do Sorteo do Ouro da Cruz Vermella.

Ademais, os menores de 12 anos que se animen a realizar o percorrido disporán de participación de balde.