Aquellos amigos | Ano 2008: De festa en Raigame, Celanova

Os protagonistas: Freire, Evencio, Marcos, Andrés e Marcos

A historia

A romaría etnográfica Raigame é unha celebración coñecida e recoñecida en todo o noso país. Unha celebración de exaltación das nosas tradicións a través da música, o baile, os oficios tradicionais, os espectáculos de rúa, os xogos populares, a gastromonía e as exposicións. E por suposto, a xornada perfecta para desfrutar en compañía de amigos e familiares un día de festa e ledicia.

Esta imaxe é un exemplo delo. Estos cinco amigos acudiron a Raigame 2008, como case tódolos anos ata que a pandemia o impediu, a pasar un gran día de festas. A imaxe foi tomada na taberna montada en Vilanova dos Infantes pola “Asociación Cultural Castromao”, xa desaparecida, e na que saen fotografiados parte dos membros de dita asociación. A taberna instalouse para recaudar fondos para financiar o Folión Castrexo que se celebraria en agosto dese mesmo ano, e que agora se atopa en puntos suspensivos. Agardando por un 2022 no que Raigame volva a citar ás galegas e galegos.

O fotógrafo

Fotografía cedida por Freire.