As olimpíadas rurais unen en Xinzo diversión e xogos populares

O campo de fútbol da Moreira de Xinzo volverá acoller este sábado, 5 de xullo, as IV Olimpíadas Rurais Interpobos, tras varias edicións na Alameda do Toural.

Esta xornada sociodeportiva aposta dende a súa creación pola competición por equipos mixtos, con integrantes de tódalas idades, que dirimirán o seu talento e habilidades en diversos xogos tradicionais galegos tales como a chave, o brilé, o lanzamento de sacho ou a loita galega.

En total poderán apuntarse ata 16 equipos, con nombres retranqueiros, de entre 6 e 16 deportistas. Os membros deberán ademais facer gala de toda a súa creatividade e orixinalidade nos seus equipamentos, co fin de distinguirse.

Organiza de novo o colectivo RAS (Recuperación de Aprendizaxe e Saberes), coa colaboración do Concello e do CDR O Viso, e anima a todo o mundo a “participar e convivir grupos o máis heteroxéneos posibles”.

A xornada arrancará ás 11,00 horas, e tódolos equipos xantarán xuntos nunhas olimpíadas que teñen previsto rematar sobre as 20,00.

Inscricións

Dende a organización anímase a tódolos interesados a apuntarse nos teléfonos 681 138 379 e 603 784 448, ou nas redes sociais (@ras_xinzo). O custo por participante é de 2 euros.