Xinzo de Limia goza dunha morea de actividades este Nadal

ATA DESPOIS DE REIS

Entre as actividades deste Nadal en Xinzo de Limia destaca a “Agrocabalgata” que fixo desfrutar aos veciños cos seus adornos

A “Agrocabalgata” fixo desfrutar aos veciños de Xinzo de Limia cos seus adornos | La Región

A vila limiá goza nestas datas de Nadal dunha morea de actividades para tódolos públicos e idades que non rematarán ata despois de Reis.

Unha destas citas que desfrutan tanto maiores coma cativos é a tradicional “Agrocabalgata”, un evento encabezado por unha comitiva de tractores vestidos e iluminados con decoracións únicas de Nadal que percorreron as rúas da vila a tarde de noiteboa. Centos de veciños encheron a praza Maior da vila para gozar desta singular cabalgata, ademais dunha tarde de ocio en compañía dos seus achegados.

Papá Noel na praza Maior da vila. | La Región

A praza Maior tamén acolleu a recepción de Papá Noel á que decenas de cativos se achegaron para pedirlle de primeira mau os seus agasallos. Así, estes días os máis novos tamén puideron asistir á actuación dos Bolechas no auditorio Ángel Cocho, que tamén acolleu o tributo á Oreja de Van Gogh “Cuéntame al oído”.

Contenido patrocinado