Alumnos do Mestre Vide visitan La Región e Telemiño | Marcos Atrio

Os alumnos do Mestre Vide descobren como se fan as noticias

Aulas abertas

Un grupo de alumnos do colexio Mestre Vide visitou La Región e Telemiño para coñecer o oficio dos xornalistas

Chegaban con moita expectación por saber como se fai un xornal e como se emite un programa de televisión. Pero tamén chegaban moi preparados, listos para tomar nota de canto aprendía para poñelo en práctica no proxecto xornalístico que están a desenvolver na súa aula. Así, os alumnos do colexio Mestre Vide de Ourense tiveron a oportunidade de converterse en xornalistas por un día trasladándose ata as instalacións de La Región e Telemiño para comprobar de primeira man en que consiste o oficio dos xornalistas.

Moi emocionados, os mozos e as mozas ourensáns percorreron a redacción, o plató e a sala de control abraiados e con moitas preguntas sobre o proceso de traballo e a utilidade de tódalas máquinas e botóns. Mesmo tiveron a oportunidade de ocupar as cadeiras do plató para facer de presentadores, amosando moitas mañas diante das cámaras.

Foi unha xornada moi especial na que o pasaron de marabilla e, sobre todo, aprenderon moito sobre xornalismo e comunicación.

Ó igual que fixeron os alumnos do Mestre Vide, o resto dos escolares da provincia tamén poden achegarse a coñecer La Región e Telemiño. Se á túa clase lle apetece viistarnos, poden solicitalo a través do teléfono 988 604 076 ou a través do enderezo electrónico marketing@laregion.net.