Visita das pitas máis festeiras ó Mestre Vide

As pitas do barrio ourensán de As Eiroás son unhas das máscaras tradicionais da provincia. Esta pasada fin de semana xa fixeron a súa primeira saída polas rúas para correr entre as olas de barro. Pero antes diso, os alumnos do colexio Mestre Vide tiveron un pase especial destes personaxes, que chegaron ás aulas para presentar o seu traxe.

Ademais, o Entroido tamén se comezou a sentir co Xoves de Compadres. Da man da Concellería de Educación, realizaron unhas figuras coas que as nenas tiveron que escapar dos nenos para salvar o seu meco. Agora, todos preparan xa o seu disfraz para celebrar este venres o día grande do Entroido escolar.