Maridaxe de música ó solpor no Claustro Xunqueira de Espadanedo

O Claustro cisterciense de Santa María de Espadanedo acollerá mañá a IX edición da cita “Maridaxes no solpor”, unha iniciativa cultural nada no verán de 2017 que busca por en valor o emprazamento cunha proposta de maridaxe cultural: música, arte e gastronomía. “Ocho ocho años después seguimos apostando por una cultura diferente en la que patrimonio y turismo sean un sello de identidad”, explican dende a organización.

Ás 20,00 horas dará comezo no Claustro toscano un “atardecer mágico”, ambientado polo grupo galego de música antiga Resonet, que ofrecerá o seu repertorio Floralba, unha homenaxe a música tradicional galega que contará con pezas como “Non che canto por cantare”, “Eu non sei que pasou no muíño” ou “Paxariños que voades”. Logo do concerto haberá unha degustación de queixos e viños da Ribeira Sacra.