A Festa do Esquecemento arranca co estreo do campamento

A Festa do Esquecemento de Xinzo xa arrancou, rememorando a chegada das lexións romanas ao río Limia.

A celebración arrancou coa inauguración do campamento, mercado e zona infantil coa banda de gaitas Cidade de Antioquía. Tamén tivo lugar o Circo Romano, coa animación de rúa a cargo de Trip Malabar e pasarrúas con Turdión.

Á noite, foi o turno para os Gladiadores do Circo a cargo de Trip Malabar. Para rematar o primeiro día desta festa, tivo lugar o gran desfile inaugural con antorchas e o prendido do lume sagrado, con pasarrúas con Cidade de Antioquía e concerto de Grimorium.

Este sábado abrirase o mercado e a zona Infantil con Turdión, acompañado do Circo Romano, desfile das Fuerzas de Choque Romanas Extraordinarii de Cartagena, Loitas do Coliseum, pasarrúas con Cidade de Antioquía e Triduendes, a cargo de Trip Malabar.

Para continuar a festa, haberá unha recepción de autoridades ás tropas estranxeiras, cos Premios Bispo Idacio 2024 e a chamada Harmonía no aire.

Xa pola tarde, haberá unha xincana e pasarrúas con Lirolaio, Turdión e Cidade de Antioquía. Logo, terá lugar unha Romana Comedia, a cargo de Trip Malabar.

Ao terminar estas actividades, será a ocasión para a celebración duns Grandes Xogos Olímpicos, pasarrúas con Lirolaio, loitas do Coliseum, Vodas Romanas e Gladiadores do Circo.

Xa pola noite, terá lugar a Harmonía no aire, concerto de Grimorium e concerto de Astarot, para rematar o sábado de Esquecemento.

O domingo, último día desta inesquecible festa, volverase abrir o mercado e a zona infantil con Turdión. Tamén volverá a Romana Comedia, Harmonía no aire, pasarrúas con Lirolaio, Circo Romano e pasarrúas con Turdión.

Non faltarán as marchas romanas con Achicoria, cruce do río Lethes e gran loita final. A maiores, terán a súa aparición os Gladiadores do Circo, Desfile da Victoria e Harmonía no aire. Tamén haberá unha homenaxe a Merce Barba e pasarrúas con Lirolaio. Para finalizar a festa, haberá un apagado do lume sagrado, a entrega de premios a participantes e o concerto de despedida con Grimorium.