Exposición e cea para o 25 aniversario do Rexo en Allariz

O 27 de xullo, Allariz festexará o 25 aniversario do Ecoespazo do Rexo, unha emblemática obra de Agustín Ibarrola-falecido o ano pasado-, e que se inaugurou na noite de San Xoán de 1999.

Con motivo desta conmemoración, o Concello prepara unha serie de actividades especiais nas que convidan a participar a veciños e visitantes para redescrubir este espazo único e celebrar todos xuntos o seu legado artístico e ambiental.

Ás 19,00 horas e 19,45 horas, terán lugar as visitas teatralizadas con sorpresa “Coñecemos o ecoespazo”, os asistentes poderan gozar dunha pequena visita ao ecoespazo, cunha perspectiva dinámica que resaltará a historia, significado e a visión de Agustin Ibarrola. Ás 20,30 horas presentarase unha pequena exposición adicada ao Ecoespazo, a súa creación e evolución ao longo destes 25 anos. A xornada culminará cunha cea moi especial, con menú de proximidade co queixo, cordeiro do Rexo e productos da Reserva da Biosfera e música en vivo. Haberá un servizo de autobuses a disposición dende a estación de bus.

A alcaldesa de Allariz, Cristina Cid, suliñaba a importancia da conservación da contorna e o valor da arte, exercendo de recurso e xenerando actividade para toda a comarca.