Os xardíns do Museo do Coiro acollen a Festa da Empanada

A Festa da Empanada de Allariz volve cunha nova edición o vindeiro fin de semana do 22 ó 24 de agosto, logo de que onte pola mañá a alcaldesa de Allariz, Cristina Cid, e o concelleiro de Cultura, Alberto Conde, fixeran oficial a presentación da programación deste ano, na que destacaron a importancia desta celebración como “referente gastronómico e cultural da vila”, así como o seu papel dinamizador para a economía e o turismo local.

O evento principal desta edición será a Xornada Gastronómica do sábado 23 ás 21,00 horas, que terá lugar nos Xardíns do Museo do Coiro e que consistirá nunha degustación da empanada de Allariz, na que participarán locais de hostalería da vila. A programación da edición 2025 busca ofrecer actividades para tódolos públicos, achegando a tradición e a modernidade.

O venres 22, os asistentes poderán desfrutar dunha sesión teatral na Praza do Matadoiro, “Entre fíos ando ao lío”, da compañía Punto en Boca, xunto ó concerto nocturno de Budiño - Branva Vela 2025 nos Xardíns do Museo do Coiro.

O sábado, ademais da Xornada Gastronómica, haberá música co concerto da Orquestra Neverloura e a sesión de discomóbil pola madrugada.

A xornada dominical comenzará ás 11,30 horas no Campo de Vilanova ca tradicional Festa Campestre, que ofrecerá churrasco e polbo todo o día.