Xinzo cancela o seu Entroido

Xinzo de Limia. 16/02/2020. Entroido en Xinzo de Limia. Domingo corredoiro coa saida das Pantallas.
Foto: Xesús Fariñas
photo_camera Domingo corredoiro coa saida das Pantallas. (Foto: Xesús Fariñas)
O Concello informou este sábado da cancelación das celebracións na vila

Xinzo de Limia foi unha das primeiras vilas da provincia en anunciar a cancelación do Entroido 2021, cando no pasado mes de outubro a Comisión de Entroido confirmou que renunciaba á organización da programación desta festa debido á situación sanitaria do coronavirus. Hoxe, a unha semana do comezo das festividades do Entroido, o Concello de Xinzo anuncia oficialmente a suspensión do Entroido.

O vindeiro domingo a vila limiá celebraría o seu Domingo Fareleiro, o primeiro do ciclo festivo do Entroido. A situación sanitaria que vive a provincia e, en especial Xinzo, fan imposible a celebración desta festa. Dende a Concellería de Cultura avanzan que se promoverán alternativas testemuñais para rememorar este día especial na vila e agardan poder recuperar este tradicional festexo para o vindeiro ano.

Te puede interesar