Os neoartistiñas enchen de arte a casa-museo de Risco de Allariz

A Fundación Vicente Risco de Allariz acolle no mes de Nadal unha interesante exposición froito do traballo colectivo de 24 “neoartistiñas”, denominación acuñada polo propio Risco para referirse a Xaime Quessada, Xosé Luis de Dios e Acisclo Manzano, e que a fundación que actualmente preside Celia Porto busca impulsar e consolidar para aupar aos novos artistas.

A exposición “Entreliñas” esta formada polos traballos feitos por unha vintena de alumnos de primeiro e segundo curso de Ilustración da Escola de Arte e Superior de Deseño Antonio Faílde de Ourense, entidade que fixo de enlace e estímulo entre os artistas e a fundación alaricana, con sede no número 3 da rúa San Lourenzo.

Os autores participaron este xoves no acto de inauguración oficial, e que contou coa presenza e participación de Acisclo Manzano, nomeado padriño deste nova xeración de artistas noveis, pero con moito talento.

O obxectivo da Fundación Vicente Risco é ir máis alá dun mero museo que custodie e divulgue a obra do autor nado, senón se un punto de encontro e difusión para a cultura hoxe en día. Nesa liña se organizou esta primeira exposición, que se pode visitar os sábados e festivos de 16,30 a 18,30 horas e os domingos de 12,00 a 14,00 horas, así como o ciclo de música de cámara.

Derradeira

A actividade “Petiscos Musicais”, un ciclo anual de catro concertos deseñada no 2015 baixo a coordinación da profesora de piano Cristina Vázquez Canal, mudou este ano de nome e coordinación, estreándose no cargo o pianista vigués Brais González baixo a denominación “Neoartistiñas”. Tras as tres primeiras actuacións, o ciclo pecharase o vindeiro 22 de decembro ás 20,00 horas con Yulia Petrushevskaya e “A gran tradición románica”.