A Porta de Lobios xa presume dunha nova exposición artística. A mostra de pintura “Esencia” encherá o lugar de cor e arte, da man da artista Olga Bernardo.
Olga Bernardo é natural de Riocaldo (Lobios) e volve a súa vila natal para presentar un dos seus últimos traballos, unha colección coa que busca sorprender ao público amosando a “esencia” das súas pinturas.
Os veciños ou os turistas que se acheguen a Lobios e estean interesados en coñecer “Esencias” poderán facelo ata o vindeiro 31 de agosto. O horario de visitas é os luns de 10,00 a 14,00 horas, mentres que de martes a domingo de 10,00 a 14,00 horas e de 16,30 a 20,30 horas. A exposición localízase na Biblioteca municipal.
Esta exposición, que foi inaugurada onte pola tarde da man da artista, é unha máis das iniciativas que realiza o Concello de Lobios para ofrecer un amplo programa cultural, lúdico e variado aos turistas e visitantes que se achegan a este municipio ourensá durante os meses de verán.
