Lobios ten 31 casos activos e unha incidencia acumulada por riba de 250
O PSOE de Lobios vén de pedirlle á alcaldesa da localidade, María del Carmen Yáñez, que solicite a Sanidade un cribado masivo en todo o municipio ante o aumento de casos nos últimos días.
Os socialistas sinalan a importancia de deter a evolución de contaxios no municipio e piden “non baixar a garda”, así como que se leven a cabo todas as medidas oportunas ante a “grave” situación epidemiolóxica. O concelleiro do PSdeG en Lobios, David Fernández, esixiulle á alcaldesa “seriedade ante a situación” actual e que “se poña canto antes a xestionar para evitar consecuencias peores”.
Lobios conta este xoves con 31 casos activos e cunha incidencia acumulada por riba do 250.
