Flariz foi o punto de encontro para dar por inaugurada a XXXVIII Xuntanza Internacional de Gaiteiros. Esta pequena aldea do concello de Monterrei recibiu onte á Banda de Gaitas de Flariz, Louis Abgrall e Michel Jammet provenientes de Bretaña, Murad Tavartkiladze de Xeorsxia, Harpe Diem dende Asturias e ao zamorano Luis Antonio Pedraza. Estes músicos fixeron bailar aos presentes e puxeron en valor a música tradicional galega e a gaita.
Unha cita a que non faltaron os amantes da gaita da comarca. Foi a antesala do que será hoxe o día grande da Xuntanza de Gaiteiros, que se celebra no Castelo de Monterrei. A cita comezará ás 11,00 horas cun curso de técnica de Uilleann Pipe a cargo de Alexander Suárez, para continuar ás 12,00 horas cun homenaxe ao produtor musical Nonito Pereira no Hospital da Trindade. Máis alá de variadas conferencias, exposicións fotográficas e talleres, a música protagonizará a xornada a partir das 19,00 horas. Na explanada do Castelo farán soar as gaitas unha vintena de agrupacións.
