As mulleres de Matamá comezarán as súas actividades no mes de outubro

MULLERES RURAIS DE MATAMÁ (4)
photo_camera Festa de despedida do curso 2021-2022.
Este venres organizan unha exposición dos traballos feitos en talleres do curso pasado

A Asociación de Mulleres Rurais O Cruceiro de Matamá xa está a traballar no novo curso. Tras descansar durante o verán, as socias e as persoas interesadas en sumarse as súas actividades comezarán  en outubro. 

“O próximo mes de outubro comezaremos cós obradoiros e actividades da Asociación na que poden participar todas as persoas que o desexen, iso si, teñen preferencia as nosas socias”, explican dende a organización, recordando que as actividades “destínanse a todas as idades e a todas as persoas que desexen participar”. Agora, traballan nos talleres que se levarán a cabo: ximnasia, pilates, baile, pandeireta, manualidades, costura, lectura, canto tradicional e informática, entre outros obradoiros que están a planificar. 

Inscricións

Os interesados en formar parte destas actividades e en coñecer toda a súa oferta dende o rural, que se celebrarán en horario de tarde, poderán obter máis información póndose en contacto coa Asociación de Mulleres Rurais O Cruceiro de Matamá. 

Mentres tanto, este venres a Asociación organiza unha exposición colectiva dos traballos que fixeron nos obradoiros de artes florais e costura creativa do curso 2021-2022. A cita será no local social de Matamá, en horario de 18,00 a 20,30 horas.

Te puede interesar