Espazo Común pide apoio unánime para solucioar a conexión por autovía de O Caraballiño con Pontevedra
O grupo municipal Espazo Común vai presentar para o seu debate no pleno ordinario deste mes de outubro unha moción para que o Concello do Carballiño apoie de maneira unánime a construción dunha autovía Pontevedra-Carballiño. Ademais, este grupo da oposición pretende un compromiso de parcipación activa no proceso para que se axilicen os trámites.
“Un concello como o do Carballiño, alonxado dos grandes focos de concentración poboacional, ubicados na costa, precisa garantir unhas boas vías que posibiliten desprazamentos rápidos e seguros”, sinala Espazo Común, apuntando que dende hai moitos anos “sufrimos unha eiva que segue sen resolver: a conexión con Pontevedra”.
Por iso, pide apoio unánime da Corporación á construción da autovía e para que o Goberno municipal informe mensualmente ao resto dos grupos sobre os avances deste proxecto.