Os escolares enxalzaron o Día da Poesía e a lingua no Carballiño

A Alborada Insua dos Poetas da Real Balda de Gaitas da Deputación abría a celebración do Día da Poesía e da Árbore na Insua dos Poetas (Esgueva-Carballiño), na que participaron más de 300 escolares de diferentes colexios da comarca, que se encargaron de recitar poemas dos catro autores homenaxeados: Rosalía de Castro, Manuel Curros Enríquez, Eduardo Pondal e Valentín Lamas Carvajal, aos que tamén lles adicaron catro novos murais creacións de Joseba MP, Raquel Germade, NoveNoel e Delio RC.

“Se en algunha circunstancia se chega á categoría de milagre é a poesía porque a poesía é a palabra”, apuntaba o presidente da Fundación Insua dos Poetas, Luis González Tosar, que facía unha defensa do idioma e da cultura galega.

O alcalde do Carballiño, Francisco Fumega, anunciaba a creación dun novo premio literario entre o Concello e a Insua dos Poetas “para incentivar a laboura creatica en lingua galega”; e en representación da Deputación asistiu César Fernández, quen apuntaba que “a nosa misión é transmitir o legado dunha cultura tan fermosa como é a cultura galega”.

Pechaba as intervencións, Valentín García, secretario xeral de Política Lingüística, sinalando que “rendemos tributo a catro persoeiros moi importantes para a nosa lingua e para a nosa cultura. Ningún dos catro tiña fácil chegar a ser o que foron, eles son un modelo de vida que demostran que vós chegaredes a onde queirades chegar”.