Programa de actividades polo Día Internacional do Orgullo LGTBI+ en Ribadavia
O Concello de Ribadavia desenvolve un amplo programa de actividades para a conmemoración do Día Internacional do Orgullo LGTBI+ de este 28 de xuño de 2023. O programa desenvolverase ao longo da semana para reivindicar os dereitos da igualdade e a diversidade afectivo-sexual.
Así, ademais da tradicional iluminación multicolor do Castelo dos Sarmiento e a colocación da bandeira multicolor na Casa Consistorial, pintarase o primeiro paso de peóns diverso na rúa Veronza.
Os departamentos de Igualdade e Cultura organizan as actividades que inclúen un contacontos para nenos de 2 a 10 anos, que terá lugar hoxe, ás 11,00 horas, no Auditorio Manuel María. Ademais, celebrarase unha actividade de lectura infantil, na Biblioteca Pública da Casa da Cultura, prevista para o día 27.
Asimesmo, dentro da programación desenvolverase unha xornada de convivencia para nenos a partir de 10 anos na que se realizarán “reverses grafittis” e xogos con cintas de cores, todo iso ambientado con música con mensaxes a prol da igualdade e a diversidade sexual, será o día 29, a partires das 10,30 horas na alameda de Ribadavia.
Por último, as actividades complétanse con un obradoiro de Arte-Terapia destinado aos maiores de 14 anos no que se traballará na defensa dos valores da igualdade e a diversidade a través da arte, impartido por Mercedes Mariño.
