Unha "despedida" como presentación da carreira musical da exfinalista de OT2018, Sabela Ramil

Lonxe do alumeado (artificial ou real) doutros compañeiros da edición de 2018 de OT e que comezaron a súa traxectoria con temas e colaboracións, o nacemento da carreira de Sabela Ramil fíxose agardar, como case todo o bo da vida.

"Despedida", nos seus apenas dous minutos de duración é un tema sombrío, turbio nalgúns tramos, pero cunha forza que medra a medida que transcurren os segundos, e rematan por producir arrepíos a través das verbas en galego dunha muller que disputou a final desa edición presumindo de galeguidade obtenido un excelente cuarto lugar. Un crecemento musical paralelo o que a artista galega mostrou nas semanas que durou OT, confirmando que o seu rexistro musical ía moito máis lonxe das cancións de "pop" sinxelo ás que a parecían encasillar os profesores da academía e que a levaron a ser nominada en varias ocasións (sen éxito).

Sabela Ramil, na súa presentación con "despedida" (unha fermosa contrariedade que mesmo poderiamos asociar ó estereotipo galego), mostra elegancia no tono musical, cunha letra sinxela (quizá en demasía) e pegadiza, que elaborou co artista portugués Diogo Piçarra e no que un pode recoñecer influencias de moitos grupos da escena indie, aínda que deixa un regusto que fai dubidar sobre a continuidade desta liña.

Agora, a menos dunha semana da publicación do seu primeiro traballo, resta coñecer se o álbum completo continuará o fermoso e intimista camiño marcado por este tema inicial ou terá unha dispersión en rexistros diferentes (propios de artistas debutantes) á búsqueda do seu son. O aperitivo é prometedor, o resto dun menú que estará en todas as plataformas dixitais e formato físico a partir do 29 de novembro, xera expectación.

Tracklist:

Despedida

El Paso

Sin Tu Amor

Nai

Dame Una Señal

Mi Reina

Nazco Yo