Arraianos rinde homenaxe a Celso Emilio e Xesús Alonso Montero

No centenario do nacemento do poeta celanovés, a asociación cultural ven de recoñecer como 'Arraiano universal' ao autor de 'Longa noite de pedra'. Ademais, o escritor e académico Xesús Alonso Montero será distinguido co recoñecemento 'Arraiano Maior da Raia Seca 2012'.

Esta distinción anual xa foi entregada ao escritor Bento da Cruz no ano 2011, ao Padre Fontes no 2010 e a Xosé Luís Méndez Ferrín, que inaugurou estes recoñecementos no 2009.

O programa cultural arrancará as dez da mañá na praza Maior da vila de San Rosendo ca lectura do manifesto arraiano e posterior roteiro literario polos distintos espacios da vila relacionados cos autores locales. O longo de itinerario faranse varias lecturas de poemas e intervencións musicais. As 11,30 horas, no cementerio de San Breixo, desenvolverase o acto central cos nomeamentos, a ofrenda floral ao pé do xacigo de Celso Emilio Ferreiro e un recital coa participación de poetas e músicos das terras de Celanova e do val do Limia.

Tralo xantar nun restaurante da vila, o claustro barroco do Mosteiro celanovés acollerá un espectáculo multimedia con intervencións de diferentes persoeiros, poetas, así como as actuacións de diversos grupos musicais.