O BNG insta á Xunta a asumir o custo do Conservatorio do Carballiño

Representantes da Anpa e do profesorado do Conservatorio do Carballiñomantiveron un encontro no Parlamento de Galicia coa voceira nacional do BNG, Ana Pontón, e a deputada Cristina Fernández, ao que tamén asistiu a voceira municipal Sofía García, para anunciarlles a presentación dunha iniciativa para reclamar á Xunta que asuma a xestión e o custo do conservatorio municipal do Carballiño, por ser unha competencia da administración galega.

Sofía García incidiu na importancia da formación do Conservatorio para as familias e lamentou que “mentres o Concello asume os custos, conta con menos recursos para atender outros servizos municipais”.