Laura Varela, modelo do Carballiño: “Estou totalmente enfocada no Grand Miss España”

Laura Varela está a traballar para xestionar todas as chamadas que está a recibir tras o seu éxito recente no certame Miss Grand Galicia.

Pregunta. No profesional, cales son os teus obxetivos a curto prazo?

Respuesta. Agora mesmo estou totalmente enfocada na miña preparación de cara ao certame Miss Grand España, que se celebrará en abril de 2026, e co que estou moi ilusionada. Porén,ademais da miña carreira neste ámbito, a miña gran paixón é a ensinanza. Por iso, estou opositando para mestra co obxectivo de conseguir unha praza e poder dar clases a nenos de Educación Infantil ou Primaria.

P. E no plano persoal, como te consideras?

R. Considérome unha persoa moi normal, como calquera outra rapaza da miña idade, moi familiar e á que lle encanta pasar tempo coa miña parella e coas miñas amigas. Tamén teño unha gran inquietude por viaxar e seguir aprendendo da vida. Con 22 anos, sinto que me queda moito por vivir, experimentar e descubrir.

P. Voltando os certamenes de beleza, qué é o que mais che gusta deles e o que menos?

R. Nos certames, o que máis me gusta é o orgullosa que me sinto de subirme a un escenario, de falar e transmitir unha mensaxe diante de tantas persoas, de aprender e de superarme amin mesma. Non se valora unicamente a beleza física, senón tamén o nivel de inglés, os coñecementos, a formación, o esforzo e moitas outras calidades que transcenden o coidado externo. Aínda que, por suposto, manter un bo estado físico tamén conleva dedicación e é un logro persoal do que e estou orgullosa. O peor son precisamente eses comentarios de “haters” que xulgan de forma superficial sen coñecer a fondo o teu esforzo. Teño unha personalidade forte e tento que non me afecte, pero si vexo que compañeiras ás veces o pasan peor. É unha mágoa que se abuse do xuízo fácil.

P. Qué sintes o representar a Carballiño nestes certames?

R. Para min é un orgullo, unha honra e unha gran responsabilidade levar o nome de Carballiño. É a miña terra. Espero poder representar a Carballiño e a Galicia da mellor maneira posible e conseguir un moi bo resultado no certame nacional.