Castrelo de Cima celebra a súa 51º queimada

RIÓS

A parroquia de Santa María de Castrelo de Cima, no concello do Riós, celebra a medianote do luns para o martes unha nova edición da súa tradicional queimada con motivo das festas patronais na honra da Virxe dos Remedios

A 50º edición da Queimada de Castrelo de Cima o ano pasado.

Os impulsores desta particular celebración, con máis dun século de historia, son os membros da asociación cultural de Castrelo de Cima “Os Queimas”. O obxectivo desta peña é a de acadar o recoñecemento a súa tradición como Festa de Interese Turístico de Galicia.

Porque a queimada desta noite vai moito máis alá do produto do que herda o seu nome. Trátase de todo un espectáculo cun desfile de persoeiros da mitoloxía galega, entre os que non falta nin a Santa Compaña, espíritos, meigas e outros personaxes. Tras invocar o lume e dar lectura ao tradicional conxuro, a veciñanza desfrutará co augardente.

Último día de festas

Tras dous días de festas, este luns os pasarrúas arrancarán dende cedo en Castrelo de Cima, a cargo do grupo de gaitas do Riós. Á 13,00 horas terá lugar a misa solemne con procesión, e pola tarde ás 18,00 horas chegará o turno da tradicional ruada polo pobo.

A sesión noite contará coa amenización musical da orquestra Alma Latina, o preludio perfecto para a LI edición da Gran Queimada de Castrelo de Cime a partir das 02,00 horas do martes.

Contenido patrocinado