Cinco tardes de teatro en Verín co regreso do Festival Entreculturas
TEATRO AMATEUR
Verín inicia este venres a XIV edición do Festival Entreculturas, que ofrecerá cinco representacións de grupos teatrais amateurs de outros tantos municipios ourensáns ao longo de 10 días
O evento está organizado polo grupo de teatro local La Caja de Pandora, e as primeiras obras serán “Arritmia”, dos ourensáns Oreteiro Teatro, o venres, 31 de xaneiro; “Coa Lingua Fóra”, do grupo de nais e pais da Universidade Laboral de Ourense, o sábado, 1 de febreiro, e “Arsénico por Compasión”, a cargo de Sofá Malva de la Sala Rosa, cuxos membros veñen da zona de Penouta, en Viana do Bolo, o domingo, 2 de febreiro. Todas terán lugar ás 19,00 horas no Auditorio de Verín.
A responsable de La Caja de Pandora, Emilia Somoza, lembra que esta iniciativa naceu na vila do Támega froito do labor da profesora de teatro María del Carmen Varela, xa finada, e ao continuar o seu legado “estamos a honrar a súa memoria”.
Somoza fai un chamamento á veciñanza para que asista e valore o “esforzo humano” de tódolos intérpretes, ningún deles profesional.
Segunda fin de semana
A XIV edición complétase coa obra “Alimañas”, dos barqueses Gargallada Teatro, o sábado 8 de febreiro. O grupo verinés anfitrión estreará un ano máis a súa nova obra no festival, “O Atranco”, o domingo 9 de febreiro, sobre unha persoa que vai ser desafiuzada dun bo piso nunha cidade, e que decide vender o inmoble con ela aínda dentro, e que combina humor e retranca.
As entradas para as obras teñen todas un prezo único de 5 euros, e están xa á venda en Carlin Verín e un par de horas antes de cada función no Auditorio
Contenido patrocinado
También te puede interesar
Lo último
Plácido Blanco Bembibre
HISTORIAS INCREÍBLES
Xorma
BALONMANO
El Ribeiro, sin premio
PRÓSIMO ESTRENO EN CINES
El documental “La mafia dentro” desnuda la “voracidad” de Hacienda
Chito Rivas
PINGAS DE ORBALLO
Berrar sen dicir palabra