O Ponte Farruca supera o obxectivo do crowdfunding

A romaría do Ponte Farruca, que se celebrará o vindeiro 17 de agosto en Laza, vén de superar o obxectivo mínimo que se marcaran os seus organizadores no “crowdfunding” ou mecenado online, ao superar a cifra dos 1.650 euros.

Neste momento, xa acumulan un 168% da cantidade óptima fixada inicialmente, o que se traduce en 2.775 euros en total, cando aínda quedan 24 días para que remate este proceso de mecenado.

Non obstante, dende a organización deste festival anímase a tódolos interesados a seguir contribuíndo coas súas achegas, ademais de colaborar mercando o merchandising oficial do evento.

Entre todos os produtos á venda, tamén se atopa a bata que porta a Farruca, e que dá o nome a esta romaría popular.

Apoio da Xunta de Galicia

Alén disto, os organizadores do Ponte Farruca destacan a “colaboración da Consellería de Política Social e Igualdade da Xunta de Galicia” nesta terceira edición da romaría.

Amosan tamén a súa “satisfacción” por que a consellería apoie “este tipo de eventos no rural para así darlle visibilidade ao colectivo e ás mulleres do rural”