Estos son os gañadores dos premios do concurso dos Maios de Ourense

Ambiente durante Os Maios en Ourense ()Foto: Xesús Fariñas

Os Lolailos e Silvia Pinha obtiveron os primeiros premios do concurso de maios convocado polo Concello de Ourense. O premio ás mellores coplas (300 euros) foi para Bernardo J. Marques na categoría de persoas adultas e para A. C. Nova Fronteira na infantil (300 euros). Na rúa do Paseo expuxéronse 41 maios.

Na categoría de maios artísticos

O primeiro premio (900 euros) foi para o Peto de Ánimas de Arnoia, de Os Lolailos; o segundo (700 euros) para Sementando patacas, de Óscar López González e o terceiro (500 euros) para os Gaiteiros de Velle.

Na categoría tradicional

O primeiro premio (600 euros) foi para o Maio Ínfimo, de Silvia Pinha; o segundo (400 euros) para o IES 12 de Outubro e o terceiro (300 euros) para a Asociación Cultural Auriense.

Nos maios infantís

O primeiro premio (300 euros) foi para o Maio Bubuxas, de Silvia Pinha; o segundo (200 euros) para o Maio da Ponte e o terceiro (100 euros) para A Galleira.

Contenido patrocinado