Taboadela e Amigos de Galicia renovan a súa colaboración

O Concello de Taboadela e a Fundación Amigos de Galicia renovaron onte o convenio de colaboración para que a entidade continúe atendendo ás familias con poucos recursos do municipio. Na firma do acordo estiveron presentes o alcalde en funcións de Taboadela, Roberto Blanco, e o director xeral de Amigos de Galicia, Jesús Busto. As familias beneficiarias do programa reciben alimentos de maneira mensual nos seus domicilios, produtos de hixiene persoal e limpeza do fogar, roupa e calzado. Ademais, Amigos de Galicia levará o seu programa de dixitalización de maiores que xa se imparte noutros concello. Grazas á fundación, dous rapaces con necesidades especiais recibiron terapia de rehabilitación por valor de 9.970 euros.