“O Camiño en viñetas”: arte e humor peregrino

O director de Turismo de Galicia, Xosé Merelles, inaugurou onte no Museo das Peregrinacións de Santiago de Compostela, a mostra de Fausto Isorna “O Camiño en Viñetas”, que permanecerá aberta ata o 14 de xaneiro de 2025. Durante a súa intervención, o director de Turismo de Galicia enmarcou esta actuación na estratexia de divulgar e promover o camiño desde calquera expresión en xeral, e neste caso, en concreto, artítisca, a ilustración e o humor.

Xosé Merelles subliñou ademais que no que vai de ano máis de 488.000 peregrinos xa percorreron o Camiño, o que supón o 10,42% máis que en todo o 2023. “Estas cifras fannos ser moi optimistas e pensar que pecharemos 2024 cuns rexistros moi importantes”, subliñou.

Aventura xacobea

Referíndose á mostra de viñetas, Xosé Merelles puxo en valor o Camiño como fonte de inspiración para múltiples expresións artísticas entre as que se atopan o cómic e a banda deseñada. Neste caso, a mostra xira en torno á aventura xacobea de Simón Martel, un personaxe do cómic galego cunha longa traxectoria e protagonista de sete libros.n