O legado do autor de “A esmorga", no Valcárcel

Aniversario de Blanco Amor

As caricaturas e retratos que Siro fixo ao ourensán compleméntanse coa colección bibliográfica sobre Blanco Amor

Representantes da Fundación Blanco Amor, na inauguración da exposición. (Foto: Miguel Ángel)

O centro cultural Marcos Valcárcel inaugurou a exposición "Pervivencia e actualidade de Eduardo Blanco Amor", organizada pola fundación que leva o nome do escritor co financiamento da Deputación de Ourense.

As caricaturas e retratos que Siro fixo ao ourensán compleméntanse coa colección bibliográfica sobre o autor de "A esmorga" que foi recompilando Carlos Laíño durante anos. Luis González Tosar, presidente da fundación, subliñou a importancia desta mostra que "nunca se fixera en 40 anos da vida do escritor".

Laíño reivindicou o obxectivo de amosar a súa colección privada sobre Blanco Amor á sociedade. Manuel Baltar apostou porque a exposición "faga máis grande a un dos grandes das nosas letras".

Contenido patrocinado