Castrexos e Castrón Meco, reis no desfile infantil de Cualedro

Un numeroso grupo de pequenos castrexos tomou o venres á mañá o CEIP Vicente Risco de Cualedro, protagonistas do seu desfile tradicional. Profesorado e pais e nais acompañaron aos máis cativos, nun percorrido polos viais principais do núcleo principal.

Ademais dos zarramoncalleiros de tódalas idades que foron abrindo o desfile, tamén foi salientable a presenza do Castrón Meco, o personaxe singular da parroquia cualedresa de Rebordondo.

O encargado de levalo foi Primitivo, veciño do lugar quen, acompañado polo fillo, afirmou que “é a primeira vez que o Castrón sae por Cualedro”.

O entroido cualedrés prosigue

A troula continúa este sábado ás 12,00 coa saía dos zarramoncalleiros e da charanga de Bande, a estrea dos disfraces e un xantar popular.