Henrique Monteagudo será mañá novo presidente da Real Academia Galega

sustitúe a Víctor Fernández Freixanes

O único candidato á presidencia da Real Academia Galega (RAG), Henrique Monteagudo, será elixido este venres

Henrique Monteagudo, único candidato a ocupar la presidencia de la Real Academia Galega (RAG) | EP

A Real Academia Galega (RAG) celebrará este venres un pleno extraordinario para a elección da nova presidencia, coa candidatura única de Henrique Monteagudo.

O candidato comparecerá este venres ás 19:00 horas en rolda de prensa no Salón Real do Pazo de María Pita, na Coruña.

Traxectoria

Henrique Monteagudo (Muros, 1959) é catedrático de Filoloxía Galega na Universidade de Santiago de Compostela e ten unha ampla traxectoria académica internacional en universidades de Europa e América.

Membro da RAG desde 2012, Monteagudo coordinou o Seminario de Sociolingüística da institución e foi secretario entre 2013 e 2021, exercendo actualmente a vicesecretaría.

É doutor pola USC coa tese Ideas e debates sobre a lingua (1916-1936). Afonso D. R. Castelao e a tradición galeguista, premiada co premio extraordinario de doutoramento. A sociolingüística e a normalización do galego foron áreas clave do seu traballo desde os anos 80.

Entre as súas obras destacan Historia social da lingua galega (1999), recoñecida co Premio Losada Diéguez de Investigación, e O idioma galego baixo o franquismo: da resistencia á normalización (2021), así como o seu discurso de ingreso na RAG, Facer país co idioma: sentido da normalización lingüística.

Contenido patrocinado