Rosa Crujeiras, la primera rectora de la Universidad de Santiago en más de 500 años

A candidatura encabezada por Rosa Crujeiras, catedrática de Estatística e Investigación Operativa na Facultade de Matemáticas da USC, gañou as eleccións do reitorado e Crujeiras, que competía en segunda volta con Maite Flores, convértese así na primeira reitora na historia da Universidade de Santiago de Compostela, fundada en 1495.

Rosa Crujeiras alcanzou o 61,65% do voto ponderado e superou por 31,8% á catedrática de Óptica Maite Flores y 6,5% votos en blanco. En concreto, a catedrática gañou nos catro sectores nos que se divide a comunidade universitaria: foi a máis votada entre o profesorado permanente (29,39%), o resto de persoal docente e investigador (6,62%), o alumnado (18,71%) e entre o persoal de administración e servizos (6,93%).

En canto aos datos de participación destas eleccións, foi o sector do profesorado permanente o que máis se mobilizou, concretamente cun 87,37%. O persoal de administración e servizos rexistrou un 77,75% de participación, o resto de persoal docente e investigador (PDI) situouse no 59,37%, e a participación entre o alumnado foi do 26,99%.

Na web da candidatura, Crujeiras recordaba no seu perfil: “O meu labor docente desempeñeino en varios títulos de distintos centros da USC: Bioloxía, Enfermaría, a Escola Técnica Superior de Enxeñaría, Filoloxía, e por suposto, Matemáticas. Estas experiencias permitíronme coñecer mellor a nosa universidade, os seus valores e necesidades, reforzando o convencemento de que os grandes retos na investigación e na formación só se poden abordar con éxito cando conflúen distintas miradas”.

Crujeiras estará acompañada na súa directiva por Roberto Bande Ramudo, na vicerreitoría do Campus de Lugo; Lorena Añón, en Estudantado, Igualdade, Diversidade e Benestar; Pablo Durán Santomil, en Economía, Infraestruturas e Sostibilidade; Almudena Hospido Quintana, vicerreitora de Investigación e Ciencia Aberta; Marcelino Maneiro, vicerreitor de Innovación e Transferencia do Coñecemento; Reyes Laguna Francia, en Ordenación Académica e Oferta Formativa; Pablo Taboada Antelo, en Profesorado e Innovación Docente; Ana Cabana Iglesia, en Cultura, Lingua e Patrimonio; e Alicia Villalba Sánchez, como secretaría xeral da USC.

Nunha entrevista recente, Crujeiras defendía o seu proxecto como un proxecto “maduro” baseado en “a sustentabilidade, o respecto e os valores da cultura democrática”. “Quero unha universidade feminista e libre de violencias, onde cada quen atope o seu sitio e poida desenvolver a súa carreira como estudante e como persoa traballadora”, declaraba.

Sobre a situación da vivenda para alumnado e traballadores, Crujeiras cualificábaa de “emerxencia social” e propuña alianzas cos concellos de Santiago e Lugo para mobilizar alugueres alcanzables.