Ferida unha persoa tras rexistrarse un incendio nun club en Guntín (Lugo)

Unha persoa foi trasladada a un centro médico, a causa dun golpe e inhalación de fumes, tras rexistrarse un incendio nun cuarto dun club na localidade lucense de Guntín. Segundo explicaron fontes da Central de Emerxencias 112-Galicia, o incendio iniciouse preto das 15.00 horas deste mércores nun cuarto dun club situado na estrada N-540, ao seu paso polo lugar de A Veiga, en Guntín.

Ata o lugar desprazáronse efectivos da Garda Civil, do Grumir e dos Bombeiros de Chantada, que colaboraron na extinción do lume.

As lapas calcinaron o mobiliario dunha dos cuartos do club, na que, segundo a información dos servizos de emerxencias, nese momento se atopaban tres persoas. De feito, unha delas tivo que ser trasladada polo 061-Galicia ao Hospital Lucus Augusti por intoxicación de fume e un golpe causado por unha caída.